Скопски Градски Фестивал - Концерт на Милјана Николиќ и Мухамед Ибрахими

Седмото издание на фестивалот е посветено на музичкиот и културниот дијалог меѓу Македонија и земјите од регионот и ќе се одржи од 18 до 25 септември. Во фестивалската програма ќе учествуваат уметници од Македонија, Словенија, Албанија, Грција, Црна Гора и Бугарија. Програмата ги обединува џезот, класичната музика, современите авторски композиции и музичкото наследство на Балканот. Сите концерти ќе се одвиваат во Македонската Филхармонија. МИЛЈАНА НИКОЛИЌ – „БАЛКАНСКИ КОМПОЗИТОРИ“ Вечер посветена на музичкото творештво на современи балкански композитори, во изведба на младата пијанистка Милјана Николиќ. Таа е добитничка на повеќе меѓународни награди и активен учесник на фестивали во регионот и Европа. Во својата програма „Балкански композитори“, Николиќ ги интерпретира делата на современи автори од регионот, создавајќи интимен дијалог меѓу класичната форма и модерниот балкански звук. МУХАМЕД ИБРАХИМИ Мухамед Ибрахими, миленикот на скопската публика, е мултиинструменталист со автентичен авторски потпис, кој на гитарата, мандолината, сазот и другите жичани инструменти пристапува со интуиција и слобода, спојувајќи блуз, рок, амбиентални елементи, ориентална (суфи) традиција и балкански фолклор. Овој концерт е навистина уникатна можност за искрено музичко доживување. Концертот започнува во 20:00 часот во малата сала на Филхармонија. Скопски Градски фестивал е поддржан од: Град Скопје, Триглав Осигурување и НЛБ Банка. Медиумски партнер: Слободен печат