Опис
🗓️На 7. септември од 20 часот во Public Room придружете ни се на отворање на изложбата „Од цитат кон толкување“ на Љупчо Јованов - Љубац.
„Од цитат кон толкување“ e изложба која не се стреми ниту кон славење ниту кон осуда на одреден историски или идеолошки систем, туку кон размислување за симболите, нивните значења и начинот на кој човекот ги доживува и повторно ги толкува. Пристапот е гностички, но фокусот е насочен кон поединецот — кон човекот во неговата потрага по Слобода, Достоинство и Еднаквост, и кон внатрешната светлина што постојано тежнее кон повторно поврзување со ИЗВОРОТ.
Љупчо Јованов, е роден на 28 јануари 1974 година во Скопје.
Моментално работи како редовен професор во областите архитектура, урбанизам и дизајн на планирање на Факултетот за архитектура и дизајн при Универзитетот Американ Колеџ Скопје.
Покрај архитектурата, активно се занимава и со сценографија (за театар и филм), како и со објавување научни и стручни книги од областа на театарот и архитектурата, а автор е и на новели и графички романи.
Публикации (автор):
Архитектура на сценскиот простор (Факултет за драмски уметности, Скопје)
Дневникот на еден убиец (Култура, Скопје)
Тотемски жртвувања (Темплум, Скопје)
Изложби:
3x3, SK02 - Скопје, 2024
Профанити, SK02 - Скопје, Вестин - Загреб, 2025
Сите светци, SK02 - Скопје, Магаза – Битола, 2026